Bhajan - 1, Hallelujah Hosanna | Nepali Christian song

Hallelujah Hosanna

हल्लेलूयाह होसन्ना

भजन  १                                        स्केल A ताल C

कोः हल्लेलूयाह होसन्ना हल्लेलूयाह (४)

१.  परमपिताको स्तुति गाऔं, हामीलाई बचाउने उनै हुन्

सबै पापीलाई गर्छन क्षम, सबै रोगीलाई गर्छन चंगा ।

२.  धन्यवाद दिई उनको आसनमा, आनन्द भई आऊ उनको चरणमा

सङ्गीत गाउँदै खुसीले मुक्तिको पहरामा जयजय गरौं ।

३.  उनै हुन् हाम्रा परमपिता हामीलाई टिठाउँछन् सदा

कालो बादलको पर्दाजस्तो पापलाई हटाइदिन्छन् सदा ।

४.  आमाले झैँ उनले शान्ति दिए दुनियाँको डरमा छोडेनन् कैले 

चोखो दूध वचनको पियाई जीवन अमर दिए उनले ।

५.  गोठालोले झैँ खोजी उनले निकाले पापको दलदलदेखि

  प्राण त्यागी बचाए उनले गराए सबलाई आफ्नै अनि ।

६.  गुँडलाई घरि–घरि भत्काइदिए सिकाए हामीलाई उड्न आफै 

पखेटामा उठाई उकाबले झैँ पारेनन् हामीलाई चोट कतै ।